Admin Logo
themebox Logo
نویسنده :احمد درگاهی
تاریخ:چهارشنبه 25 دی 1398-21:23

ایستک


 تک ایسته‌ییم بودور تانریم:
بیر سونسوز یوخویا یاتیم،
آز آغری‌یلا،‌هاساند اؤلوم؛
بودونیانین داشین آتیم.

آزماییم سن دئین یولو،
اینجیتمه‌ییم هئچ بیر قولو؛
حیات سوروم جانی سولو،
تورپاغا سو کیمی‌باتیم.

لوطفون ائله اؤزل گئدیم،
گؤزل یاشات، گؤزل گئدیم؛
سئوگیلیمدن ازل گئدیم
سون منزیله، بئله چاتیم.

اؤنومده وار بیر سرت قایا،
توتوقلاندیم آخا _ وایا؛
بو دونیامی‌او دونیایا-
اؤزون ایسته اوجوز ساتیم.

قویما ال _ آیاغیم اسه،
زولانماییم سون نفسه؛
یوک اولماییم هئچ بیر کسه،
اؤز یوکومو اؤزوم چاتیم.







داغ کن - کلوب دات کام
نظرات() 

نویسنده :احمد درگاهی
تاریخ:جمعه 20 دی 1398-22:05

(تومجه لر پرده سی)


اوتاندیم چکیندیم سؤزلره قارشی 
دوداق تنبللییی  یاشادی  منده
عاریف اولان دویور ، اؤرتولوک لری
تومجه لر پرده سی قوشادی منده






داغ کن - کلوب دات کام
نظرات() 

نویسنده :احمد درگاهی
تاریخ:شنبه 30 آذر 1398-00:58

حاققین حالال ائیله


حاققین حالال ائیله ،آ...مئهریبانیم 
غمینی یئمیشم ، سندن خبرسیز

 



داغ کن - کلوب دات کام
نظرات() 

نویسنده :احمد درگاهی
تاریخ:جمعه 29 آذر 1398-23:58

(آن با آن)


دوزسپدین یاراماگئتدیگین زامان
 نه گزیر سن ، خیالیمدا آن با آن 



داغ کن - کلوب دات کام
نظرات() 

نویسنده :احمد درگاهی
تاریخ:دوشنبه 25 آذر 1398-01:13

(گؤز آلتی اوخوسون )


سؤز یییه سی سؤزون گوتورسون دئیه
 ال آلتی یازمیشام ، سؤزه اویماسین 
آییرد ائدسین سؤزو ، سؤزلر ایچیندن
گؤز آلتی اوخوسون ،کیمسه دویماسین 


(درگاهی)




 



داغ کن - کلوب دات کام
نظرات() 

نویسنده :احمد درگاهی
تاریخ:دوشنبه 27 آبان 1398-00:36

قورا چکیر


گؤزلریمین شوه‌سیندن
یاشیل گؤزلوم قورا چکیر.
باداقلاییب خیال قوشون،
هارا گئدیر، اورا چکیر.

تئل- تئل اولوبدور سازیما،
سون باهاردیر بو یازیما،
چاتی سالیب بوغازیما
سحر آخشام دارا چکیر.

ائله‌جه سئوگیمی‌دانیر،
منی ده سرسری سانیر؛
بعضن ده ائله قیسقانیر
آغ اوستونه قارا چکیر.

اوچمور خیالین ایکیسی،
ندیر منیمله ایلگیسی
یوخسا محبت چکیسی
اوره ییمی‌هارا چکیر؟




داغ کن - کلوب دات کام
نظرات() 

نویسنده :احمد درگاهی
تاریخ:یکشنبه 26 آبان 1398-01:04

مئساژ آلدیم


اوره ییمه شؤوگه سالان 
گؤزلریندن مئساژ آلدیم
دامار آتدی ، دیلک لریم 
اینلییه اینلییه  قالدیم

(درگاهی)




داغ کن - کلوب دات کام
نظرات() 

نویسنده :احمد درگاهی
تاریخ:سه شنبه 30 مهر 1398-01:02

سن بورنومدا تؤتؤ ینده


سن بورنومدا ، تؤتؤ ینده
اوره ییمه ، تپیلیرسن
گؤزدن ایراق ، بوگؤینه ین
یاراما دوز  سپیلیرسن

منی اؤزومدن آلماغا
کؤنلو دوستاغا سالماغا
عؤمورلوک سنده قالماغا
دووار _ دووار تیکیلیرسن

رسمینی ده بئله  یاخسام
اؤنومده سن هارا باخسام
بولاغ _ بولاغ  بئله آخسام 
یوللاریما ، اکیلیرسن 

خولیالاردیر ، سنی دئین
مئی مزه یه  باشین این 
داملا _ داملا ، لین _ لین 
گؤزلریمدن  چکیلیرسن

(درگاهی)







داغ کن - کلوب دات کام
نظرات() 

نویسنده :احمد درگاهی
تاریخ:شنبه 20 مهر 1398-21:19

سن هارداسان


ایسینیرام گؤزلرینین شؤوگه سینه 
چاتلامادا اوره ییمین تومورجوغو
 قیش چاغیندا 
گؤیه ررکن بوغاز  بوغاز دنه دولور 
سوتول سوتول قارا قیلچیق 
 گیلاوارا  سیغاللانیر 
 اوراق  اوراق  بافالانیر
دریز دریز  تایالانیر
هشن سالیر
دؤیون دؤیور
بئینیمده کی 
سنسیز آنلار
ایندی ایسه
کورک له نیب
 شنه  شنه  ساورولورام
سن هارداسان؟ .


(درگاهی)





داغ کن - کلوب دات کام
نظرات() 

نویسنده :احمد درگاهی
تاریخ:چهارشنبه 10 مهر 1398-21:19

غمینی یئدیم


وایا قیلماییب سان بیلدیگیم قدر 
دیله یین اؤزلم دیر، تاویرین کدر
بللی دیر قوناغین ، گلنی گئدر
حالال ائیله دونیا ، غمینی یئدیم 

(درگاهی)




داغ کن - کلوب دات کام
نظرات() 




  • تعداد صفحات :20
  • 1  
  • 2  
  • 3  
  • 4  
  • 5  
  • 6  
  • 7  
  • ...  
ساخت وبلاگ در میهن بلاگ

شبکه اجتماعی فارسی کلوب | ساخت وبلاگ صوتی صدالاگ | سوال و جواب و پاسخ | رسانه فروردین، تبلیغات اینترنتی، رپرتاژ، بنر، سئو | Buy Website Traffic