تبلیغات
(ساوالان دان گلن سس) - مطالب اردیبهشت 1398


Admin Logo
themebox Logo
نویسنده :احمد درگاهی
تاریخ:پنجشنبه 12 اردیبهشت 1398-20:04

گوردوم

آتام دونیاسین دییشن آنیندا 
یازدیغیم بداهه

ایلاهی آتامین آرخاسین یئره-
جناب عزرائیل ییخاندا گؤردوم.
چؤکدو سینه‌سینه آمان وئرمه‌دی،
ال آتیب بوغازین سیخاندا گؤردوم.

چات – چات داماریندان قارا قان آخدی،
ایچینده آغلاییب، نیسگیللی باخدی،
آخینمیش گؤزلری یاندیریب یاخدی،
اؤلومله گؤز-گؤزه باخاندا گؤردوم.

اوره‌یی دایاندی، تیتره‌دی دیزلر،
دوداقلار باغلاندی، حبس اولدو سؤزلر ،
حیاتا گؤز یومدو مهربان گؤزلر،
سونونجو نفسی چیخاندا گؤردوم.

بو باهار باغچانی گوللندیرمه‌دی،
سس‌سیزجه درد چکدی، بیللندیرمه‌دی،
سون بئشیک اوغلونو ائولندیرمه‌دی،
اریییب شام کیمی‌آخاندا گؤردوم.

دونیا بو قدر ده آف – توفا دیمز،
بو آدام اوغروسو قاپینی دؤیمز،
شاها دا، قولا دا هئچ بویون ایمز،
نه گؤردوم آی آللاه؟ اوووخ، آندا گؤردوم .

۱۲ / ۲ / ۹۸   (درگاهی)







داغ کن - کلوب دات کام
نظرات()