تبلیغات
(ساوالان دان گلن سس) - مطالب دی 1397


Admin Logo
themebox Logo
نویسنده :احمد درگاهی
تاریخ:جمعه 21 دی 1397-15:33

( یاریمادیم )

( یاریمادیم )

طالعیمدن ، یاریمادیم  
اودا گوردو ، فاغیر منی!
کؤنلومو دردله یئمله ییب
گؤزلریمدن ، ساغیر منی!

کدر ندیر ، بیلمه میشدیم
بو قونویا ، گیرمه میشدیم
اوشاقلیغدا،سویله میشدیم
شن گونلره ، چاغیر منی!

قویمادی تؤشگومو درم 
تاخیلیمی ، گونه سرم
گنجلیییمه ، وعده وئرم
چوخ ائشیدی ، آغیر منی!

اوزون زاماندی گولمورم
سئوینج بیریله بؤلمورم
من یاغیرام ؟ یا بیلمیرم!!
بلکه ده غم  یاغیرمنی!


(درگاهی)






داغ کن - کلوب دات کام
نظرات() 

نویسنده :احمد درگاهی
تاریخ:یکشنبه 2 دی 1397-19:33

(بالیقچی)


اوتوردو داش اوسته، بیرسحرچاغی
چایین قیراغیندا ، باشی آشاغی
 آتدی قارماغینی ، آوچو سایاغی
سو سسسیزآخیردی نئچه بوی درین

قویدوغو یئم لری ، بالیق  یئییردی
خئییردی آی آللاه ، دئدی ،خئییردی
بالیق یوخ ، بلکه ده نهنگ دئییردی
سازاقلی هاوایدی سودا لاپ سرین

سون یئمی باغلاییب سون کره آتدی
بالیق ایلیشرکن ، قارماغی دارتدی
بودره دی بالیقچی ، آرخایا یاتدی 
بیرآن تهلوکه یه، سالدی بیر-بیرین

بالیق چوله دوشدو ، بالیقچی سووا
 چاره سیزحیاتدان ، ال یووا-یووا
بیرینی سو بوغدو ، بیرینی هاوا
بالیقچی بالیقلا ، دییشدی یئرین





داغ کن - کلوب دات کام
نظرات()