تبلیغات
(ساوالان دان گلن سس)


Admin Logo
themebox Logo
نویسنده :احمد درگاهی
تاریخ:سه شنبه 5 اردیبهشت 1396-18:10

(باغیشلایین)


گئدیرسن توتولور حالیم 
نه محکومام نه ده ظالیم
اینصافا گل دردین آلیم
 آی باشینا دولاندیغیم
سوچوم وارسا باغیشلایین

کؤنولده یوخسا ال ایاق 
چالیخلاییر بالیق سایاق
هرآن یئییر داربه دایاق
یوللاریندا یوباندیغیم    
سوچوم وارسا باغیشلایین

دویونله مه  قاشقاباغی
پورسوتما لاله یاناغی 
گئچه رم مین بیر سیناغی
گؤزلریندن اوتاندیغیم
 سوچوم وارسا باغیشلایین

سورونه سورونه گلدیم 
گؤزلریمین یاشین سیلدیم 
سنین له آغلادیم گولدوم  
قارشیسیندا دایاندیغیم 
 سوچوم وارسا باغیشلایین




داغ کن - کلوب دات کام
نظرات() 

نویسنده :احمد درگاهی
تاریخ:شنبه 12 فروردین 1396-02:15

منده قالدی

Image result for ‫تصاویر قلب مادر عقل پدر‬‎

بؤیودوم ده ؟
منده قالدی .
آنامین ،اوره یی ...
آتامین ،آغلی...




داغ کن - کلوب دات کام
نظرات() 

نویسنده :احمد درگاهی
تاریخ:جمعه 4 فروردین 1396-14:23

یاشماق



سانکی بیرکرالدی باشیندا تاجی 
حَیا یاشماغینی ووروب  قیغاجی
آنایلا ، آنادی ، باجی ایلا باجی
ائلیمین اوبامین ، مئهریبان قیزی
 



داغ کن - کلوب دات کام
نظرات() 

نویسنده :احمد درگاهی
تاریخ:دوشنبه 30 اسفند 1395-09:58

( کؤنول پنجره سین)



کؤنول پنجره سین، آچیب بیرداها 
کینی کدورتی ،یئله وئره یین
حالینی سوروشوب ،ائلین اوبانین 
غوصصه نی کدری ،سئله وئره یین

طبیعت دییشیر ،خَمَک پالتارین 
یئره سیریخ چکیر ،یام یاشیل چیمن
نه گؤزل منظره، گورونور باخین
نسیم قیدیقلاییر ،گولور یاسمن 

باهاردا گئیینیب ،آلاشیق دونون 
بزه نیب برته نیب ،ائله گلیب دی
اته یین دولدوروب، مین بیر چیچک له 
بولبوللر مست اولوب، دیله گلیب دی

 سندن ایسته ییمیز ،بودور(درگاهی)
باهار بایرامینی ،دء قوتلو اولسون 
قاباقچیل اولاقین ،گلین سئوینجه
ائلیمیز اوبامیز ،قوی موتلو اولسون 




داغ کن - کلوب دات کام
نظرات() 

نویسنده :احمد درگاهی
تاریخ:دوشنبه 30 اسفند 1395-00:37

(عؤمور)

واراغلانیر عؤمور،
 کیتاب سایاغی ،
نه آنلادیق !
نه گؤتوردوک ،
دونیادان ...



داغ کن - کلوب دات کام
نظرات() 

نویسنده :احمد درگاهی
تاریخ:جمعه 20 اسفند 1395-13:15

(نوروز عمی)

Image result for ‫عکس عمو نوروز و حاجی فیروز‬‎

گؤزله ییریک یولون ،آی نوروز عمی 
ییرتیلسین دوداقدان ، گولوش گلنده
ائله بؤل سئوینجینی ، بارا بار اولسون
هرکسین اؤز پایین ، بؤلوش گلنده 

شاختا بابا گئدیر ، سنی گؤرونجه 
عاسیزا بنزه دیر ، سنی گولونجه 
سن سه یوزوت اونو ، باشلا سئوینجه
هامییا ال وئریب ، گؤروش گلنده 

گز کندی شه هری ، کوچه به کوچه 
نئچه گونلوک عؤمور ،گئتمه سین هئچه 
قویما زهه ر قاتا ، کدر سئوینجه 
یوخسولون حالینی ، سوروش گلنده 

فقیرین یئتیمین ، رنگی سولماسین 
دوغولدوغونادا ، پئشمان اولماسین
آتا آنالارین ، گؤزو دولماسین
هرکسین اؤز پایین ، بؤلوش گلنده 





داغ کن - کلوب دات کام
نظرات() 

نویسنده :احمد درگاهی
تاریخ:دوشنبه 9 اسفند 1395-20:05

(سنی )

سنی گورندن 
اوره ییمین ، آیناسی 
بیر شکیله 
چئوریلدی...



داغ کن - کلوب دات کام
نظرات() 

نویسنده :احمد درگاهی
تاریخ:شنبه 7 اسفند 1395-00:14

( قریب گلمیشم )

عاشیق قریب له شاه صنم حکایه سی نین دویغوسونا یازدیم 

صنم  صنم  دئییب، قریب سایاغی
من دلی یاخامی ،جیریب گلمیشم 
دوستاقدا باغلانان ،بیر اسلان کیمی
گمیریب رینجیری ،قیریب گلمیشم

کؤنول آل ائیله دی ،بوکوت بئینیمی 
قویمادی آچیلسین ،آرتیق عینیمی
 سانکی ادا ائتدی ،منیم دئینیمی
اونودا یوللارا ، سریب گلمیشم 

ایتیرمم بو قوتسال ، عشقین امه یین
پئشیندن سوروننم ، آرزو دیله یین
عطرینی قوخلاییب ،مین بیر چیچه یین
هرباغدان بیر چیچک، دریب گلمیشم 

 ایندی کی سالمیشام،داغلارا سسی 
اویوشدورانمادیم ، اونا بیر کسی 
اودورکی سئچیرم ، قیزیل دان میسی 
(درگاهی) دونیا یا ، قریب گلمیشم 








داغ کن - کلوب دات کام
نظرات() 

نویسنده :احمد درگاهی
تاریخ:جمعه 22 بهمن 1395-13:20

(حکیم)

 تصاویر زیباسازی وبلاگ،قالب وبلاگ،خدمات وبلاگ نویسان،آپلودعكس، كد موسیقی، روزگذر دات كام http://roozgozar.com
(حکیم)
نه ایتیریب  ، آختاریرسان 
ال قویوب سان هارا حکیم
بو اوفاجیق ، اوره ییمی 
دئشیب ائتمه یارا حکیم 

آچمامیشام بوسیرری من 
اودوردوشوب ساچلارا دن 
آوارمادین ، بودردی سن 
سالما اؤزون زورا حکیم 

اؤزونو ده  بئله  یورما 
بیر سورغودا منه سورما 
اویوشدوروجودا وورما
چکمه کؤنلو دارا حکیم 

منیم دردیم باشقا دردی 
هاوام پَلمه گونوم سَرتدی 
بو مَحصورلوق منه تَتدی 
گونوم اولوب  قارا حکیم 

کدردن  ارث یمی  آلدیم 
درمان اوچون مَحصور قالدیم 
تک لیگیمده شووَن سالدیم 
قالدیم  آه و  زارا  حکیم 






داغ کن - کلوب دات کام
نظرات() 

نویسنده :احمد درگاهی
تاریخ:سه شنبه 19 بهمن 1395-19:57

(گؤزلرین)

ماهی ها بی تقصیرند ...!

گؤزلرین ، ماوی دنیز،
اوره ییم ،
ساحیلده صید اولان بالیق ،
کوکره ،
دالغالان ،
گؤتورمنی ،  
گؤزلرینین ، درینلییینه ...



داغ کن - کلوب دات کام
نظرات() 




  • تعداد صفحات :18
  • ...  
  • 4  
  • 5  
  • 6  
  • 7  
  • 8  
  • 9  
  • 10  
  • ...