Admin Logo
themebox Logo
نویسنده :احمد درگاهی
تاریخ:جمعه 19 خرداد 1396-14:27

کیم سن ؟!


کیم سن ؟!
نفس می دئییم سنه !
یووخ...
بیرگون گئدر ،گلمزسن .
یوخسا گؤزیاشیمی ، دئییم سنه! 
بئله ده اولماز،
گؤزلریمدن دوشر،ایتیررم سنی !
جان دامارلاریمدا آخان قان می دئییم سنه!
اوندان دا قورخورام ، قایب ائدم  سنی !
دوشونجه می دئییم سنه! 
بللی کی بئله ده اولماز.
 بیرگون آلزایمئر توتوب ، خاطیرلامییام سنی!
سنه ، بیر سؤزوم وار.
اوره ییم اول ، اؤلسمده بئله،
کؤکسومده قال . . .



داغ کن - کلوب دات کام
نظرات() 

نویسنده :احمد درگاهی
تاریخ:پنجشنبه 18 خرداد 1396-21:40

سئومک

سئومک 
سؤزلردن 
یوخ 
یوووخ ...
یانیلدیم؟ 
گؤزلردن اوخونور



داغ کن - کلوب دات کام
نظرات() 

نویسنده :احمد درگاهی
تاریخ:چهارشنبه 10 خرداد 1396-20:47

شاعیر اوره ییم

 گلین دن ،
قیزدان ،
حایالی ،
 یالقیزلیغیمدا دا،
دیله گتیرمز دیم ،بیرسیرری .
نه بیله یدیم .
 الیمه ،
ایش وئره ر،
شاعیر اوره ییم ...



داغ کن - کلوب دات کام
نظرات() 

نویسنده :احمد درگاهی
تاریخ:شنبه 6 خرداد 1396-15:19

اؤز باشینا فیرلانیرمیش

Related image

ایلک گوروشدن ، آیریلدیق .
من دوغویا ، سن باتییا .
مسافه میز، اوزاقلاشدیقجا ،
اوره ییمیز ، یاخینلاشدی .
نه یاخشی کی ، سئوگی دونیامیز،
 اؤز باشینا ، فیرلانیرمیش . . .




داغ کن - کلوب دات کام
نظرات() 

نویسنده :احمد درگاهی
تاریخ:پنجشنبه 4 خرداد 1396-12:10

یاشاییم


سنه قریب گلیر ، بوگونکو حالیم 
صنمیم اول منده ، قریب یاشاییم 
تورشوتما قاش قاباق ، وورغون حالیما
خیالینلا عؤمور ، سوروب یاشاییم

عاغیل باشدان چیخیب ،سنی گوره نی 
 یاددان چیخاردارمی، سئون سئوه نی 
دئییشمم وئره لر ، بوتون کوره نی 
کؤنلومو یولونا ، سریب یاشاییم

دیدرگین لیک مسافه دن یانادی 
کؤرپه اوره ییمه ، عشقین آنادی 
سنه دویغوم هرآن ، جاندی جانادی 
شعریمده ساچلارین ، هؤروب یاشاییم

قیرغین اوره یینین ، قوربانی اولوم 
سئون سئونینه ، ائیله مز ظولوم 
گل بیرگه رویادا ، یاشایاق گولوم 
یاناقدان اؤپوجوک ، دریب یاشاییم




داغ کن - کلوب دات کام
نظرات() 

نویسنده :احمد درگاهی
تاریخ:پنجشنبه 4 خرداد 1396-11:35

ایلک اوخولدا

Related image

ایلک اوخولدا ، 
یابانجی دیلده، 
بیزه اؤیرتدیلر ،
الده گؤزلویو . . .



داغ کن - کلوب دات کام
نظرات() 

نویسنده :احمد درگاهی
تاریخ:جمعه 29 اردیبهشت 1396-13:51

کدر له سئوینج

باجی قارداشدیلار،
کدر له سئوینج .
هرزامان ،
بیرلَشَنده . 
دونیانین ،ان گؤزل ،
دویغو سو یارانیر. . . 




داغ کن - کلوب دات کام
نظرات() 

نویسنده :احمد درگاهی
تاریخ:چهارشنبه 27 اردیبهشت 1396-23:04

خنجر یاراسی


آنلاماز دوستونون ،
خنجر یاراسی !
آنلایان دوشمنین ،
نیفرت ساپی ایلا تیکیلیر . . .



داغ کن - کلوب دات کام
نظرات() 

نویسنده :احمد درگاهی
تاریخ:جمعه 22 اردیبهشت 1396-14:17

(دونیا)



(دونیا )

بؤیوتدوکجه درده سالدین
کیمه قیلدین وایا دونیا!
وئردیگینی بیربیر آلدین
داها گلمیر سایا دونیا!

سول گؤستریب ووردون ساغی
کؤنلوموزه چکدین داغی
خوره‌ییمیز اولدو آغی
یاخشی قویدون مایا دونیا!

دولاندیقجا اؤزون دوردون
اؤنوموزه قورقو قوردون
سیناقلارلا بیزی یوردون
هرآن باسدین‌هایا دونیا!

عؤمورکؤرپوسونو گئچدیم
وئردیگین شربتی ایچدیم
اکدیگین تارلانی بیچدیم
دردلر اولدو تایا دونیا!




داغ کن - کلوب دات کام
نظرات() 

نویسنده :احمد درگاهی
تاریخ:پنجشنبه 14 اردیبهشت 1396-01:17

چکیر لرگووده می

Image result for ‫مار دوسره‬‎

 چکیرلرگووده می،
دیرنه _ دیرنه ،
عاغیل ساغا ،
 اوره ک سولا ،
بلکه بیرین ،الدن وئرم .
 سون مقصدیم ،
 بللی اولا. . .






داغ کن - کلوب دات کام
نظرات() 




  • تعداد صفحات :20
  • ...  
  • 4  
  • 5  
  • 6  
  • 7  
  • 8  
  • 9  
  • 10  
  • ...  
ساخت وبلاگ در میهن بلاگ

شبکه اجتماعی فارسی کلوب | ساخت وبلاگ صوتی صدالاگ | سوال و جواب و پاسخ | رسانه فروردین، تبلیغات اینترنتی، رپرتاژ، بنر، سئو | Buy Website Traffic