تبلیغات
(ساوالان دان گلن سس)


Admin Logo
themebox Logo
نویسنده : درگاهی
تاریخ:دوشنبه 8 مرداد 1397-23:06

(دویونله دیم یومروغومو)


یوغورلانیب اؤز ایچیمده
دیزلریمه سیرماشیرام
داغ سیناقلی اوره ییمله
 قَم قایادان دیرماشیرام

دورد ایاقلی ایرَلله دیم
قاپلان سایاق بو حایاتدا
یامانمیشام اؤزاؤزومه
عؤمور سونا چاتا چاتدا

تک لیییمده بوینو بوکوک
یوللارینی  ایزله ییرم
اوره ییمین بیتوی لییین 
اوووجومدا گیزله ییرم

اوخوندوقجا  آلین یازیم 
طالع ییخیر قوردوغومو 
اوخونماسین الیم دئیه
دویونله دیم یومروغومو








داغ کن - کلوب دات کام
نظرات() 

نویسنده : درگاهی
تاریخ:سه شنبه 12 تیر 1397-21:40

غم چیچه یی



(غم چیچه یی)

گونو گوندن ، ساچلاریمین
 بیرَر، بیرَر ، رنگی قاچیر
غم چیچه یی!... دوشونجه می؟ 
پؤهره له نیب ، چیچک آچیر 

 گوموش گوموش بویالانیب
آییرد ائدیر اورتا یاشی
ایپک ایپک آغاردیقجا
زیروه لره چکیر باشی 

ایندی قارلی زیروه لرده
آوا چیخان یاراغیم وار
بوکؤکسومده شپه شپه
سئوگی آدلی توزاغیم وار

اوره ییم ده ، هئی بورخولور 
یازیلمامیش سؤزوم چوخدو
گوردویومو ، گوتورموشم 
حمداولسون کی ،گؤیلوم توخدو 





داغ کن - کلوب دات کام
نظرات() 

نویسنده : درگاهی
تاریخ:سه شنبه 29 خرداد 1397-01:18

خوش گلمیسن


اوره ییمین  قاپیسینی 
دؤین کدر، خوش گلمیسن 
هئچ شوپن اولماسین بئله 
دوغرو یئره توش گلمیسن

سندن باشقا ، یوخ بیر کسیم 
شوقوندان دوروم تله سیم
ایاغینا ، قوربان کسیم
سانما بورا چاش گلمیسن

سینمده آه دی یوکسه لَن
بوداخمادا ، آزدی گولَن 
آغلار گلیر ، بورا گلَن
گؤزلرینده یاش گلمیسن








داغ کن - کلوب دات کام
نظرات() 

نویسنده : درگاهی
تاریخ:جمعه 25 خرداد 1397-11:35

سؤزلر

 

کدر لایلاسینی چالدی،
گؤزلریم یوخویا قالدی،
دیلیمین اووسارین آلدی
دوداغیمدان قاچان سؤزلر.

دوروب قینادیم دیلیمی،
اوتاندیم گؤرجک ائلیمی،
ایندی اولوب ائل بیلیمی
سیرر قاپیسین آچان سؤزلر.

گزدی آغیزدان آغیزا،
قلم اولدو آغ کاغیذا،
اوره‌ک وئردی تئللی سازا،
هاوالاندی اوچان سؤزلر.

کیمسه اونو حاخلامادی،
گئتدی، بیرده یوخلامادی،
ایسگندرلر ساخلامادی
دوستاق اولوب‌هاچان سؤزلر؟





داغ کن - کلوب دات کام
نظرات() 

نویسنده : درگاهی
تاریخ:چهارشنبه 26 اردیبهشت 1397-15:04

گؤزلردن چیخان


اوره کده یانان
 دردلرین ،تینی دیر 
گؤزلردن چیخان ...
 




داغ کن - کلوب دات کام
نظرات() 

نویسنده : درگاهی
تاریخ:چهارشنبه 9 اسفند 1396-12:58

تانیش اولدوق


رسیملرله تانیش اولدوق
قوشوقلارلا، بیز دانیشدیق
 قانادلاندی خیال قوشو 
سئودا داغلاریندان آشدیق 

گوروشمه یین آرزوسیلا
 هَسبندینی هرآن چکدیم 
 اوره ییمین باغچاسیندا 
رَح به رَح چیچکلر اکدیم 

ایندی بئله آنلاییرام
 اوره ییمی اوتوزموشام 
 بیلمه دیم کی سنین اوچون
 من بوقدر اوجوزموشام 

هئچ زندیمه گتیرمزدیم 
سنده وفاسیز اولاسان 
بئله سس سیز گئتمه یین له 
گه ییش مه میش جان آلاسان 





داغ کن - کلوب دات کام
نظرات() 

نویسنده : درگاهی
تاریخ:جمعه 8 دی 1396-01:13

یازیرام


سؤزوئرمیشم ، قلمیمه  
دویغومو هرچاغ یازیرام
اوخودوقجا باخیشلارین 
اوره ییمده داغ یازیرام

یازیسیندا، عاغلیم قالیب
میصرع، میصرع ،باشا سالیب
سؤزلریندن  ایلهام آلیب
سول یازیرام، ساغ یازیرام

ایتیردیییم ، محبتی
باشدان آلیب دیر دیققَتی
بعضن قویوب، حقیقتی 
داغ یازیرام، باغ یازیرام

 اوره ییمه ،چیخیب یییه
 چکمه میشم ، آدین ، نییه ؟
آچیلماسین، سیرری دئیه
 سؤزون چوخون، آغ یازیرام









داغ کن - کلوب دات کام
نظرات() 

نویسنده : درگاهی
تاریخ:جمعه 1 دی 1396-13:10

کؤنلومو



یالقوزاق خیالین ، دیدیب ، داغدیر 
یئییب قورتاراجاق، قوزو کؤنلومو
 اوتوزدوم آغلیمی،ایلک گوروشوندن
آپاریب اؤزوینن ، اؤزو کؤنلومو 

سئحیرلی گؤزلرین ،وورغونو اولدوم
گؤزلردن بوشالدیم ،اوره کدن دولدوم
پاییزلار یاشادیم ،سارالدیم سولدوم
اؤلدوروب دیریلدیر، گؤزوکؤنلومو 

وورغونو اولدوغوم ،آی گؤزل پری
آیریلیق خنجرین ، چکندن بری
سَپیب سن یاراما ، دوزو بی بری
گوینه دیر اؤزلَمین ،دوزو کؤنلومو

چیلله گئجه سی دیر سنسیزلیک آنی
سیر سیرا آخیدیر ، داماردا  قانی 
 چئویریب دیر، قاسیرغایا، وولقانی
قیزدیرماز دونیانین ، کؤزو کؤنلومو 

چئوریلدی خاطیری شعره غزله 
سئوگی دن نه یازسام آزدی گؤزله
الیمده قلمیم ، یازیرام هله
هله لیک یاشادیر، سؤزو کؤنلومو 






داغ کن - کلوب دات کام
نظرات() 

نویسنده : درگاهی
تاریخ:جمعه 17 آذر 1396-01:57

قار یاغیر

Image result for ‫بارش برف و کلاغها‬‎
قار یاغیر
قارغالار 
فاغیر فاغیر 
دیله گلیر
قااار
 قااار 
قااار... 



داغ کن - کلوب دات کام
نظرات() 

نویسنده : درگاهی
تاریخ:سه شنبه 2 آبان 1396-16:18

اوستاد


سن عاریف اوستادیم اوره ک تانیشیم
قوی اوره ک سؤزونو سنه دانیشیم
 هئچ منی ائشیتمیر، یادیم ،تانیشیم
اؤزلم دن فراغدان بیخیرام اوستاد

بیر مارال ایتیردیم خییو دوزونده
گؤزلریم قالیبدی آی بنیزینده
گؤزقاپاقلارینی قان دنیزینده
یویوب قوروتماغا سیخیرام اوستاد

قوخاسی جانیما سالیب ول وله 
اوره ک شمشک چاخیر دؤیونور هله
خیالین قوشویلا وئریب ال اله
بولودلا یاریشا چیخیرام اوستاد
 
ازلدن طالعیم قیلمادی وایا
بیرآز اوتانمادی وئردیییی پایا
گؤزلریمین یاشین دؤندردی چایا
آرزولاربیناسین ییخیرام اوستاد

یالقیزلیق بوخچاسین وئردی الیمه
 مؤهور اوره ییمه قفیل دیلیمه
منی حسرت قویدو دوغما ائلیمه
دردی اوره ییمه تیخیرام اوستاد





داغ کن - کلوب دات کام
نظرات() 




  • تعداد صفحات :13
  • 1  
  • 2  
  • 3  
  • 4  
  • 5  
  • 6  
  • 7  
  • ...