تبلیغات
(ساوالان دان گلن سس)


Admin Logo
themebox Logo
نویسنده : درگاهی
تاریخ:سه شنبه 2 آبان 1396-16:18

اوستاد


سن عاریف اوستادیم اوره ک تانیشیم
قوی اوره ک سؤزونو سنه دانیشیم
 هئچ منی ائشیتمیر، یادیم ،تانیشیم
اؤزلم دن فراغدان بیخیرام اوستاد

بیر مارال ایتیردیم خییو دوزونده
گؤزلریم قالیبدی آی بنیزینده
گؤزقاپاقلارینی قان دنیزینده
یویوب قوروتماغا سیخیرام اوستاد

قوخاسی جانیما سالیب ول وله 
اوره ک شمشک چاخیر دؤیونور هله
خیالین قوشویلا وئریب ال اله
بولودلا یاریشا چیخیرام اوستاد
 
ازلدن طالعیم قیلمادی وایا
بیرآز اوتانمادی وئردیییی پایا
گؤزلریمین یاشین دؤندردی چایا
آرزولاربیناسین ییخیرام اوستاد

یالقیزلیق بوخچاسین وئردی الیمه
 مؤهور اوره ییمه قفیل دیلیمه
منی حسرت قویدو دوغما ائلیمه
دردی اوره ییمه تیخیرام اوستاد





داغ کن - کلوب دات کام
نظرات() 

نویسنده : درگاهی
تاریخ:شنبه 22 مهر 1396-00:07

عشق قوشون

تورپاغا ،
 تاپشیرسالاردا
سون باهار گؤوده می،
 گؤیه ره جک یئنی دن
ع ع عشق  قوشون ،
 دینله مه یه 
اوره ییم ...

عکس ‏‎Ruzbeh Samadi Niroghlo‎‏



داغ کن - کلوب دات کام
نظرات() 

نویسنده : درگاهی
تاریخ:جمعه 14 مهر 1396-13:05

دوغوم گونو



ایلک
 اوخولدان اؤنجه 
سوفراباشیندا 
دوغوم گونومو 
سوردوم آنامدان 
یئمه یی چکه چکه
قاباغا گلن ، پاییز
سؤیله دی...
ساندیم؟
یوزوتماق ایسته ییر 
هئچ دوشونمه دن
 کوسدوم
قوی سیزین اولسون 
آنا
 اوره ییمی الده ائده 
گولومسه یه رک بئله یانسیدی
 بیزیم پاییمیز 
اولوب پاییز... 
سنه
 تئزدیر ، دوشونمک 
پاییز  ، نه دئمک ؟
 کولک ، آغاجلارین  
قیزیل ساچین یولاندا
اوگونو سنین 
دوغوم گونون ...
96/7/1

Image result for ‫تصویر باد پاییزی‬‎



داغ کن - کلوب دات کام
نظرات() 

نویسنده : درگاهی
تاریخ:یکشنبه 2 مهر 1396-23:13

آخشاملار


سن گئدن یوللارا گؤزلر دیره‌نیر آخشاملار
باشیما دام- دوواریم سیلکه‌لنیر آخشاملار

بیر سؤنولمز سوبا یاندیقجا یانیر کؤکسومده
چکدیگیم شعله نفسدن پیله‌نیر آخشاملار

یئنی دوغموش بَبه‌یه بنزه‌ییر هرآن دویغوم
قونداغیندان آچیلیب گاه بله‌نیر آخشاملار

تورشادیر قاش- قاباغین منه سنسیزلیک آنی
گؤزلریمدن یوخو کال- کال اله‌نیر آخشاملار

اوره‌ییم زاغ- زاغ اسیر بیر گؤروشون شوقی‌ایله
چیراغیم صوبحه قدر پیلته‌لنیر آخشاملار

«احمد»ین سئوگی خیالیندا ووصال یولچو کیمی
قاپینیزدا بیر عؤموردور دیله‌نیر آخشاملار




داغ کن - کلوب دات کام
نظرات() 

نویسنده : درگاهی
تاریخ:جمعه 3 شهریور 1396-13:15

سنسیزلییین



سنسیزلییین  قَمی منه
یالنیزلیقدا ، اولوب پئشه
اوخ نیشانلی کیپریکلرین 
اوره ییمی دلیب دئشه

اؤزلَمین نه وار تالاییب
اؤنومده تونقال قالاییب
 بوکؤکسومو شاققالاییب
جییاریمی توتدو شیشه

باختیم دا بنزه ییر قوردا
خیلخالاییب منی زوردا
آیاق قویوب خیرخیراما
آجیمادان ، چکیر دیشه



 




داغ کن - کلوب دات کام
نظرات() 

نویسنده : درگاهی
تاریخ:یکشنبه 29 مرداد 1396-11:12

بارلانیر


بیتگی لرکؤکوندن 
اینسانلارباشیندان 
بارلانیر...




داغ کن - کلوب دات کام
نظرات() 

نویسنده : درگاهی
تاریخ:دوشنبه 23 مرداد 1396-18:42

بولاغ باشیندا


آی بولاغ باشیندا اوتوران دوستوم
گؤزلریندن ایلهام  آلیب آغلادیم
نه خیالا قالدین  تام  آنلاییرام 
درین دویغولارا دالیب آغلادیم

دئییرسن آی بولاغ هانی قیزلارین 
ساتاردیلار سنه عشوه نازلارین
هانی باشینداکی آی اولدوزلارین
گئچمیشلری یادا سالیب آغلادیم

ایندی اولان اولوب دای گئچن گئچیب 
عارفلر صررافلار سندن سو ایچیب
جاوانلارقوجالیب قوجالارکؤچوب
اللری قوینوندا قالیب آغلادیم

منده گؤزللیکدن گوردوم بیر آزین
هم قیشین پاییزین هم یایین یازین
کؤکله ییب کؤنلومون نیسگیللی سازین 
آیریلیق هاواسین چالیب آغلادیم





داغ کن - کلوب دات کام
نظرات() 

نویسنده : درگاهی
تاریخ:چهارشنبه 18 مرداد 1396-13:00

نازلیم

گل چیخارت باشیندان ماسکانی نازلیم
سنه  دئییلمه میش سؤزوم  وار هله
ندن گیزله دیرسن آی اوزون مندن
شوه  گؤزلرینده  گؤزوم  وار هله



داغ کن - کلوب دات کام
نظرات() 

نویسنده : درگاهی
تاریخ:چهارشنبه 18 مرداد 1396-12:57

کدرلر

یالنیزلیغیما 
 یئتر ...
سندن گلن 
کدرلر...




داغ کن - کلوب دات کام
نظرات() 

نویسنده : درگاهی
تاریخ:جمعه 6 مرداد 1396-13:49

آنلاماز

آنلاماز؟
آنلایانی 
دوشونمز !
 آمما ،آنلایان 
آنلامازی 
یاخشی دوشونر
چونکو ، آنلایان 
 بوگونلری 
گری ده قویوب




داغ کن - کلوب دات کام
نظرات() 




  • تعداد صفحات :17
  • 1  
  • 2  
  • 3  
  • 4  
  • 5  
  • 6  
  • 7  
  • ...