تبلیغات
(ساوالان دان گلن سس)


Admin Logo
themebox Logo
نویسنده :احمد درگاهی
تاریخ:دوشنبه 3 تیر 1398-01:02

آغ شعیری


 کیتاب _ کیتاب 
آغ شعیری ،
گؤزلریندن اوخویورام ...


  (درگاهی)




داغ کن - کلوب دات کام
نظرات() 

نویسنده :احمد درگاهی
تاریخ:پنجشنبه 12 اردیبهشت 1398-20:04

گوردوم

آتام دونیاسین دییشن آنیندا 
یازدیغیم بداهه

ایلاهی آتامین آرخاسین یئره-
جناب عزرائیل ییخاندا گؤردوم.
چؤکدو سینه‌سینه آمان وئرمه‌دی،
ال آتیب بوغازین سیخاندا گؤردوم.

چات – چات داماریندان قارا قان آخدی،
ایچینده آغلاییب، نیسگیللی باخدی،
آخینمیش گؤزلری یاندیریب یاخدی،
اؤلومله گؤز-گؤزه باخاندا گؤردوم.

اوره‌یی دایاندی، تیتره‌دی دیزلر،
دوداقلار باغلاندی، حبس اولدو سؤزلر ،
حیاتا گؤز یومدو مهربان گؤزلر،
سونونجو نفسی چیخاندا گؤردوم.

بو باهار باغچانی گوللندیرمه‌دی،
سس‌سیزجه درد چکدی، بیللندیرمه‌دی،
سون بئشیک اوغلونو ائولندیرمه‌دی،
اریییب شام کیمی‌آخاندا گؤردوم.

دونیا بو قدر ده آف – توفا دیمز،
بو آدام اوغروسو قاپینی دؤیمز،
شاها دا، قولا دا هئچ بویون ایمز،
نه گؤردوم آی آللاه؟ اوووخ، آندا گؤردوم .

۱۲ / ۲ / ۹۸   (درگاهی)







داغ کن - کلوب دات کام
نظرات() 

نویسنده :احمد درگاهی
تاریخ:پنجشنبه 22 فروردین 1398-20:53

گئچدیم


سن ، مندن ؟
 من ،
اوره ییمدن ، گئچدیم...

(درگاهی)






داغ کن - کلوب دات کام
نظرات() 

نویسنده :احمد درگاهی
تاریخ:جمعه 24 اسفند 1397-23:58

قیزقال یئتر


اوتوزایل اؤنجه گوردوگوم
خیالیمدا  قیز قال ، یئتر
سنده سئویرسنسه ایه ر
ایلقاریندا دوزقال ، یئتر

گلمه دیک اوز _اوزه بیر یول
گؤزلرینه ، باخیم بول _ بول
  یوخولاردا ، مله ییم اول
دوداقیمدا  سؤز قال ، یئتر

یارامی هرگون یالادیم
ایزلرینه ، دوز جالادیم
آدینا قوردتک اولاردیم
یارام اوسته دوزقال ، یئتر

اوره ک یاغی یاناجاغیم
سؤنوکور اودون اوجاغیم
سون اومودوم اوماجاغیم
اوجاغیمدا کؤز قال ، یئتر


(درگاهی)



 





داغ کن - کلوب دات کام
نظرات() 

نویسنده :احمد درگاهی
تاریخ:شنبه 18 اسفند 1397-23:39

چکیر


اوره ییم ، غم شله سین
بارماقلاریم ، رسمینی
گوزلریم ، یوووول
جییه ریم
سنسیزلیک آهینی 
چکیر...






داغ کن - کلوب دات کام
نظرات() 

نویسنده :احمد درگاهی
تاریخ:پنجشنبه 9 اسفند 1397-23:56

آیریلیق تؤرنی


باشیم قالابالیق، 
دردلریمله بیرگه،اوتوز ایللیک،
آیریلیق تؤرنی، ساخلاییرام .
و  سنسیزلیک ، اؤزوده ،
گئچمیش اولسون 
سویله ییر ...



(درگاهی)




داغ کن - کلوب دات کام
نظرات() 

نویسنده :احمد درگاهی
تاریخ:چهارشنبه 1 اسفند 1397-00:02

سنسیزلیک

سنسیزلیک ، اولماسایدی
یالقیزلیقیما 
کیم
 باش ووراردی ؟

(درگاهی)





داغ کن - کلوب دات کام
نظرات() 

نویسنده :احمد درگاهی
تاریخ:سه شنبه 30 بهمن 1397-23:58

یالقیزلیغیمدا



منی،
اورتالیقدا ، گورمه سن .
 بیلکی !
یالقیزلیغیمدا،
کیتاب _کیتاب،
باخیشلارینی ، اوخویورام...


(درگاهی)





داغ کن - کلوب دات کام
نظرات() 

نویسنده :احمد درگاهی
تاریخ:دوشنبه 29 بهمن 1397-20:35

سنسیزلیک آهینی

هره
 بیر تهر چکیر؟
 بیری رسیم 
بیریسی سیگارئت
اوبیریسی نه لر 
نه لر 
نه لر...
منده 
هاوالاردا
سنسیزلیک آهینی ... 


(درگاهی)




داغ کن - کلوب دات کام
نظرات() 

نویسنده :احمد درگاهی
تاریخ:پنجشنبه 25 بهمن 1397-01:06

(ایلک گوروشدن)


ایلک گوروشدن ،یاشادیرام
اورییمده  ، ساری قیزی
اونودارمی ، هئچ گوره سن
قوجا اوغلان ، قاری قیزی


(درگاهی)





داغ کن - کلوب دات کام
نظرات() 




  • تعداد صفحات :17
  • 1  
  • 2  
  • 3  
  • 4  
  • 5  
  • 6  
  • 7  
  • ...